Afenginn tyder berusing og styrke på gamalnordisk og den fem-mannssterke gruppa med dette namnet har på kort tid og med høgt tempo bygd seg eit solid rykte som eit virtuost og framifrå live-band. Sidan starten i 2002 har varemerket vore originalitet og inspirasjonskjeldene world-, punk- og folkemusikk.
Musikken spenner frå skrøpeleg pianissimo til ville og brølande parti og har vorte beskrive som bastard-etno med snev av nordisk melankoli og ein dæsj frydefull galskap.
Afenginn blir òg nemnt i same andedrag som Kaizers Orchestra for dei som treng ein heimleg og ”trygg” referanse. Afenginn har gitt ut fire album og i 2005 blei Retrograd tildelt prisen for Årets World Album og i 2009 vann dei den danske Spellemannsprisen Danish Music Award som årets artist i samband med utgjevinga av Reptilica Polaris. Så gjer deg klar til å bli berusa og styrka med hjelp av dei danske spelemennene i Afenginn!
Kim Nyberg – mandolin
Niels Skovmand – fiolin
Rasmus Krøyer – klarinett
Aske Jacoby – bass
Rune Kofoed – trommer
English:
Afenginn
Afenginn comes from Denmark although their old-Nordic name hints at their diverse influences. This name means intoxication and strength and the quintet performs as if high on life! Since their start in 2002 they have won Album of the Year for the record Retrograd in 2005 and in 2009 the Danish Music Award for Reptilica Polaris. This should be a mind-expanding experience so don't miss out on Afenginn and their eclectic etnic music flavoured with traces of Nordic melancholy and joyous madness!
Billettar til denne konserten = huskort fredag eller huskort laurdag
