I ei overfylt Vangskyrkje sundag ettermiddag var forventingane høge til duoen Herborg Kråkevik og Anne Grethe Preus. Etter ein litt forsinka start, grunna stor pågang, kunne me endeleg senkje skuldrene og nyte konserten med kropp og sjel. Gjennom ein god time fekk me servert eit mangfald av songar – frå salmen ”Å leva det er å elska” til lyrikk av Bob Dylan.
Då Side Brok spelte på Vossa Jazz fredag, entra Sjef R scenen med kjolen og hatten til mora. Sundag spelte dei tingingsverket til Badnajazzen.
”You look very nice” sa Andy Sheppard til publikum ved konsertstart då ein på grunn av problem med ein brytar ikkje fekk av lyset i salen. Etter fyrste song var lysproblemet i salen fiksa og det var no bare skinet i augo til publikum som var igjen. Dette skinet var til gjengjeld sterkt og det lyste ” you sound very nice”.
Voss Jazzskule spelte sundag i Pianobaren på Park. Med fullt lokale og nøgd publikum fekk dei unge jazztalenta spele for kjennsfolk som hadde møtt fram. Både juniorane og dei litt eldre fekk vise fram det dei har jobba med siste tida, og mykje det svinga som berre det.
Libertango held vanlegvis til i Salzburg med lengre periodar i Buenos Aires. For kvelden har bandet forflytta seg til Noreg og Vestlandet og tek sikte på å sprita opp fredagskvelden på beste latinovis!
Gruppa har sitt musikalske utspring i Django Reinhardt, tradisjonell tango, Tango nuevo såvel som eigenkomponerte stykke av den meir improvisatoriske arten. Publikum får dosar av flamenco og fransk musette innimellom dei hjarteskjærande argentinske tangoane som kan fylla augo med tårer og setja blodet i brann.
Gjer dekan klar for ein lidenskapeleg kveld med virtuose musikarar og heftige rytmar!
Sigrid Gerlach Waltenberger: trekkspel
Sabine Linecker: Kontrabass
Michael Brandl : Gitar
Ringheim kafé fredag 10. september kl. 22:00.
Kr. 100, billettsal i døra.
Les meir: http://www.myspace.com/libertangosalzburg#ixzz0wUZ8KaVu
Foto: Terje Nesthus
Tysdag 29. juni var det igjen duka for Ekstremjazz, denne gongen i Raundalen, ved Lindebergs bru. Konserten fann stad i samband med Europacup i rafting og var eit samarbeid med Ekstremsportveko.
Om lag 100 publikummarar, både ekstremsportutøvarar og andre gjester, fekk oppleva Eldbjørg Raknes halda ein sterk og vakker konsert der scena var omkramsa av Raundalselva. Raknes nytta elva både som visuell bakgrunn for konserten, men òg ved å ta opp elvebruset og bruka dette som ein del av musikken.
Ekstremjazz med Eldbjørg Raknes er flytta frå Hustveit til Urdland, dvs. ved Lindebergs bru. Klokkeslett er òg endra, ny tid er 13:00.
Det går buss frå parkeringsplassen ved Park kl. 12:00, evt. parkering ved Raundalen skule og shuttlebuss derifrå.
Konserten finn stad i samband med Europacup i Rafting; slalom, spring og H2H. Det blir sal av kortreist mat.
Konserten er gratis.
Velkomen!
Ekstremjazz er eit kryssoverprosjekt mellom Ekstremsportveko og Vossa Jazz, denne gongen under Veko. Eldbjørg Raknes held konsert og ekstremsportutøvarar frå ulike greiner vil kretsa rundt arenaen på tunet.
Hustveit ligg på andre sida av dalen for Tvindefossen. Frå Vangen: Køyr mot Tvinde og ta til høgre like før avkøyringa til Tvinde camping og over ei lita bru. Det vert avgang herfrå kl. 16:30. Det tar 30 - 60 min. å gå frå vegen, alt etter tempo :) Ved behov for transport frå sentrum: Det går buss frå parkeringsplassen ved Park kl. 16:00.
Det vert sal av kortreist mat.
Konserten er gratis. Kom og bli med til denne flotte staden for ei sterk oppleving!
© 2010 - Vossa Jazz Vangsgata 28 P.boks 223 5702 Voss