Flat Earth Society

Etter fjorårets kjempesuksess med søndagskonserten med Andy Emler Megaoctet, er det berre for Vossa Jazz å følgje opp suksessen med endå eit hardtsvingande, rocka storband frå Europa. Kanskje ikkje eit storband i namnets rette tyding, men eit stort band på alle måtar elles!

Namnet Flat Earth Society kjem frå den amerikanske organisasjonen med same namn – ein organisasjon som framleis forfektar at jorda er flat. Og kva slags musikk kan me forventa frå eit ensemble med eit såpass spesielt image? Jau, rock’n roll, jazz og galskap frå eit band som ikkje har noko sperregrense eller sjenanse for kva dei bringer til torgs av musikk.

Me kan ikkje sei anna enn: Be there!

Peter Vermeersch - komposisjon, klarinett
Stefaan Blancke - trombone
Benjamin Boutreur - altsaksofon
Michel Mast - tenorsaksofon
Bruno Vansina - barytonsaksofon, fløyte
Berlinde Deman - tuba
Bart Maris - trompet
Marc Meeuwissen - trombone
Kristof Roseeuw - kontrabass
Luc Van Lieshout - trompet
Peter Vandenberghe - piano & keyboard
Teun Verbruggen - perkusjon
Wim Willaert - accordeon, vokal
Tom Wouters - klarinett, xylofon, vibrafon
Pierre Vervloesem - gitar
Patrick Vanneck - lyd

http://www.fes.be/

English:
Flat Earth Society

«Flat Earth Society is a Belgian big band ensemble founded and led by Peter Vermeersch. They mix the rich Belgian brass band (HaFaBra) tradition with characteristic topsy-turvy creativity.» Thus reads the wikipidia-entry. Any band that chooses to associate themselves with the movement that still thinks the earth is flat is bound to have an agenda a bit different from the rest of us. High tempo big-band extra-ordinaire will enter the stage at Fraktgodsen Sunday evening - hurrah!

Kjøp billettar til denne konserten her.

På framsida no

Spellemann til Tord Gustavsen Ensemble

Publisert den 8. mars, 2010

Vossa Jazz ynskjer Tord Gustavsen Ensemble til lukka med Spellemann i kategorien jazz! Dei fekk prisen for plata "Restored, Returned" som er basert på Gustavsen sitt Tingingsverk til Vossa Jazz i 2008. Solveig Slettahjell sitt Tingingsverk til Vossa Jazz i 2009; "Tarpan Seasons" var òg nominert. Vossa Jazz - aktuelle Noora Noor fekk prisen for årets kvinnelege artist, ho spelar på Fleischer`s laurdag 28. mars klokka 22:00. Velkomen!

Aktuelt

Hugs å melda deg på til Vossakveik!

Publisert den 4. mars, 2010

I samarbeid med Indre Hordaland Miljøverk inviterer Vossa Jazz til det tradisjonelle næringslivsseminaret Vossakveik torsdag 25. mars klokka 16:30–20:00 i Fraktgodsen. Voss kommune byr på smakebitar av lokalprodusert mat. Årets tema er reiseliv, klima og kulturbasert næring. Kan desse einast, eller er det for store motsetningar? I føredragspanelet sit Øystein Dahle, Erik Thorstvedt og Morten Krogvold. Bindande påmelding til kari@vossajazz.no.

Aktuelt

Ekstremjazz til vers!

Publisert den 25. februar, 2010

I år har du høve til å få ein heilt unik publikumsplass under Vossa Jazz! 30 heldige får ta del i ein tandemtur med paraglider som skal sirkla over Hanguren der Jon Balke & co utfører årets Ekstremjazz. Dei utvalde vil - som dei fyrste i verda – få vera med i eit forsøk der ein skal sjå om dette adrenalinkicket påverkar musikkopplevinga!

Hovudkriteria for å delta er å vera under 100 kg, normalt god fysisk form og klinkande edru. Gildet kostar 2500 kr. Musikken er det, i år som i fjor, ekstremsportutøvar og musikar Jon Balke som står for. Med referanser til Harald Sæverud sitt verk ”Kjempeviseslåtten” har Balke komponert eitt musikkverk der jazz, folkemusikk, fjell og sterke kjensler vert fletta saman i ei makalaus nyskapande kulturoppleving. For meir informasjon om arrangementet, ta kontakt med prosjektleiar Annichen Rokne på annichen@festivalvoss.no eller tlf 95 13 03 91.

Karin Krog og John Surman om Vossa Jazz:

Publisert den 25. februar, 2010

John Surman: «Tidleg på åttitalet inviterte Vossa Jazz Bengt Hallberg, Karin og meg til å førebu eit spesialprosjekt saman med eit kor. Arenaen var kyrkja, noko som til då ikkje hadde vore vanleg.

Seinare har me spela med Bergen Big Band på Vossa Jazz, så Karin og eg har gode tradisjonar her. Det er difor spennande å bli invitert til å stilla med heilt eige stoff og me ser begge fram til å returnera til festivalen med tingingsverket».

Og Karin Krog supplerer: «Vi er veldig glade for å ha fått dette ærefulle oppdrag til festivalen på Vossa Jazz og går til oppdraget med spenning og glede». Me ynskjer dei hjarteleg velkomne!