Jazzmob

Jazzmob er ein norsk sekstet som vart grunnlagt av saksofonist Jon Klette i 1998. Jazzmob gav ut debutalbumet "The Truth" på eigen label, Beboporbedead Rec, året etter. Albumet, som var ein dobbel live-dokumentasjon av Jazzmob, fekk særs god mottaking hjå pressa, og sjølv utan distribusjon selde det nesten 500 eksemplar.

Jazzmob har halde det gåande sidan, og slapp andrealbumet "Pathfinder" på Jazzaway Records i 2002 og sitt tredje, "Infernal Machine", våren 2006.

Jazzmob spelar nesten utelukkande eige materiale ført i pennen av Jon Klette og Anders Aarum. Musikalsk er dei inspirerte av eit bredt spekter artistar og sjangrar som Frank Zappa, John Coltrane, Ornette Coleman, Miles Davis, Jimi Hendrix og Don Cherry - frå bebop og 60-tals amerikansk jazz, til progrock og klassisk samtidsmusikk. Kjendisar i jazzverda som Mats Eilertsen, Jarle Vespestad og Ingebrigt Håker Flaten har alle vore innom stjerneteamet.

Dagens sterke kombo stiller med fynd og klem på årets Vossa Jazz!

Jon Klette – altsaksofon
Gisle Johansen - tenor-/sopransaksofon, fløyte
Jørn Øyen - piano, Rhodes, syntheziser
Kåre Nymark jr. - trompet
Per Zanussi - bass
Andreas Bye – trommer

http://www.jazzaway.com/index.php/jazzmob.html

English:
Jazzmob

Sextet Jazzmob was founded back in 1998 and has meanwhile released a number of critically acclaimed albums such as «The truth» and «Infernal Machine». Their self-composed music is inspired by a line of artists from Frank Zappa and Jimi Hendrix to Ornette Coleman and Don Cherry. A number of well-known Norwegian jazz artists have visited Jazzmob including Mats Eilertsen, Jarle Vespestad and Ingebrigt Håker Flaten. Check out this year's strong combo at Voss!

Kjøp billettar til denne konserten her.

På framsida no

Spellemann til Tord Gustavsen Ensemble

Publisert den 8. mars, 2010

Vossa Jazz ynskjer Tord Gustavsen Ensemble til lukka med Spellemann i kategorien jazz! Dei fekk prisen for plata "Restored, Returned" som er basert på Gustavsen sitt Tingingsverk til Vossa Jazz i 2008. Solveig Slettahjell sitt Tingingsverk til Vossa Jazz i 2009; "Tarpan Seasons" var òg nominert. Vossa Jazz - aktuelle Noora Noor fekk prisen for årets kvinnelege artist, ho spelar på Fleischer`s laurdag 28. mars klokka 22:00. Velkomen!

Aktuelt

Hugs å melda deg på til Vossakveik!

Publisert den 4. mars, 2010

I samarbeid med Indre Hordaland Miljøverk inviterer Vossa Jazz til det tradisjonelle næringslivsseminaret Vossakveik torsdag 25. mars klokka 16:30–20:00 i Fraktgodsen. Voss kommune byr på smakebitar av lokalprodusert mat. Årets tema er reiseliv, klima og kulturbasert næring. Kan desse einast, eller er det for store motsetningar? I føredragspanelet sit Øystein Dahle, Erik Thorstvedt og Morten Krogvold. Bindande påmelding til kari@vossajazz.no.

Aktuelt

Ekstremjazz til vers!

Publisert den 25. februar, 2010

I år har du høve til å få ein heilt unik publikumsplass under Vossa Jazz! 30 heldige får ta del i ein tandemtur med paraglider som skal sirkla over Hanguren der Jon Balke & co utfører årets Ekstremjazz. Dei utvalde vil - som dei fyrste i verda – få vera med i eit forsøk der ein skal sjå om dette adrenalinkicket påverkar musikkopplevinga!

Hovudkriteria for å delta er å vera under 100 kg, normalt god fysisk form og klinkande edru. Gildet kostar 2500 kr. Musikken er det, i år som i fjor, ekstremsportutøvar og musikar Jon Balke som står for. Med referanser til Harald Sæverud sitt verk ”Kjempeviseslåtten” har Balke komponert eitt musikkverk der jazz, folkemusikk, fjell og sterke kjensler vert fletta saman i ei makalaus nyskapande kulturoppleving. For meir informasjon om arrangementet, ta kontakt med prosjektleiar Annichen Rokne på annichen@festivalvoss.no eller tlf 95 13 03 91.

Karin Krog og John Surman om Vossa Jazz:

Publisert den 25. februar, 2010

John Surman: «Tidleg på åttitalet inviterte Vossa Jazz Bengt Hallberg, Karin og meg til å førebu eit spesialprosjekt saman med eit kor. Arenaen var kyrkja, noko som til då ikkje hadde vore vanleg.

Seinare har me spela med Bergen Big Band på Vossa Jazz, så Karin og eg har gode tradisjonar her. Det er difor spennande å bli invitert til å stilla med heilt eige stoff og me ser begge fram til å returnera til festivalen med tingingsverket».

Og Karin Krog supplerer: «Vi er veldig glade for å ha fått dette ærefulle oppdrag til festivalen på Vossa Jazz og går til oppdraget med spenning og glede». Me ynskjer dei hjarteleg velkomne!