Ungdomssatsinga UNGjaJAZZja!

UNGjaJAZZja 2010

FREDAG, FRAKTGODSEN, KLOKKA 13:00
JAZZNINJA er 2.klasse på jazzlinja ved konservatoriet i Trondheim, NTNU. Jazzlinja bidreg med den årvisse konserten kl 13 på Fraktgodsen. Konserten vil ta utgangspunkt i jazztradisjonen og presentera personlege, ulike uttrykk i nye og spanende konstellasjonar – frå morgondagens norske jazzmusikarar! Etterpå vert det jazzverkstad.

Philip Schjetlein - gitar Sindri Mar Eydal Fridriksson - gitar Marius Hirth Klovning - gitar Kjetil Jerve - piano Anja Lauvdal - piano Oscar Grönberg - piano Tomas Järmyr - trommer Are Rosseland - trommer Aleksander Lyng Gifstad - bass Kim André Tharaldsteen - song Therese Aune - song Torstein Lavik Larsen - trompet Olav Slagsvold - saksofon

FREDAG, TRE BRØR KAFÉ, KLOKKA 20:00
GOOD BAIT består av studentar frå jazzlinja.

Marius Klovning - gitar Aleksander Lyng Gifstad - bass Are Rosseland - trommer Olav Slagsvold - sax

SUNDAG, FESTSALEN, PARK, KLOKKA 15:00
Konsert med born og unge frå UNGjaJAZZja.

SUNDAG, PIANOBAREN, PARK, KLOKKA 17:00
Band frå Voss Jazzskule spelar.

UNGjaJAZZja er støtta av Hordaland Fylkeskommune si ordning Kulturkort for ungdom.

Dersom du har Kulturkort for ungdom får du rabatt på UNGjaJAZZja-konserten i festsalen sundag og fylgjande konsertar i Fraktgodsen:

Vozzakvarts laurdag kl. 16:30
Jazzintro sundag kl. 11:30
Kåre Kolve Kvartett sundag kl. 14:00
Andy Sheppard sundag kl. 18:00

Rabatterte billettar kjøper du på billettkontoret på Park under festivalen.

Kort om UNGjaJAZZja:

Starta hausten 2007 i samarbeid med Voss kulturskule, Voss Rockeklubb og Voss skulemusikk
Tilbod om individuell opplæring på gitar, piano, trommer og saksofon
Samspelgrupper
Verkstader
Konsertar, både i samband med festivalen og ellers gjennom året

English:
UngJAjazzJA (YoungYESJazzYES)

This is the local initiative to arise awareness on jazz among the youth. This have proven a growing success. A festival like Vossa Jazz depends on recruiting new enthusiasts both for the audience, the volunteers and the performers. Through workshops and rehearsels throughout the year the kids get to appreciate both listening and playing themselves. An exciting program!

På framsida no

Spellemann til Tord Gustavsen Ensemble

Publisert den 8. mars, 2010

Vossa Jazz ynskjer Tord Gustavsen Ensemble til lukka med Spellemann i kategorien jazz! Dei fekk prisen for plata "Restored, Returned" som er basert på Gustavsen sitt Tingingsverk til Vossa Jazz i 2008. Solveig Slettahjell sitt Tingingsverk til Vossa Jazz i 2009; "Tarpan Seasons" var òg nominert. Vossa Jazz - aktuelle Noora Noor fekk prisen for årets kvinnelege artist, ho spelar på Fleischer`s laurdag 28. mars klokka 22:00. Velkomen!

Aktuelt

Hugs å melda deg på til Vossakveik!

Publisert den 4. mars, 2010

I samarbeid med Indre Hordaland Miljøverk inviterer Vossa Jazz til det tradisjonelle næringslivsseminaret Vossakveik torsdag 25. mars klokka 16:30–20:00 i Fraktgodsen. Voss kommune byr på smakebitar av lokalprodusert mat. Årets tema er reiseliv, klima og kulturbasert næring. Kan desse einast, eller er det for store motsetningar? I føredragspanelet sit Øystein Dahle, Erik Thorstvedt og Morten Krogvold. Bindande påmelding til kari@vossajazz.no.

Aktuelt

Ekstremjazz til vers!

Publisert den 25. februar, 2010

I år har du høve til å få ein heilt unik publikumsplass under Vossa Jazz! 30 heldige får ta del i ein tandemtur med paraglider som skal sirkla over Hanguren der Jon Balke & co utfører årets Ekstremjazz. Dei utvalde vil - som dei fyrste i verda – få vera med i eit forsøk der ein skal sjå om dette adrenalinkicket påverkar musikkopplevinga!

Hovudkriteria for å delta er å vera under 100 kg, normalt god fysisk form og klinkande edru. Gildet kostar 2500 kr. Musikken er det, i år som i fjor, ekstremsportutøvar og musikar Jon Balke som står for. Med referanser til Harald Sæverud sitt verk ”Kjempeviseslåtten” har Balke komponert eitt musikkverk der jazz, folkemusikk, fjell og sterke kjensler vert fletta saman i ei makalaus nyskapande kulturoppleving. For meir informasjon om arrangementet, ta kontakt med prosjektleiar Annichen Rokne på annichen@festivalvoss.no eller tlf 95 13 03 91.

Karin Krog og John Surman om Vossa Jazz:

Publisert den 25. februar, 2010

John Surman: «Tidleg på åttitalet inviterte Vossa Jazz Bengt Hallberg, Karin og meg til å førebu eit spesialprosjekt saman med eit kor. Arenaen var kyrkja, noko som til då ikkje hadde vore vanleg.

Seinare har me spela med Bergen Big Band på Vossa Jazz, så Karin og eg har gode tradisjonar her. Det er difor spennande å bli invitert til å stilla med heilt eige stoff og me ser begge fram til å returnera til festivalen med tingingsverket».

Og Karin Krog supplerer: «Vi er veldig glade for å ha fått dette ærefulle oppdrag til festivalen på Vossa Jazz og går til oppdraget med spenning og glede». Me ynskjer dei hjarteleg velkomne!